PROCURADE NOU

Procurade 'e moderare
barones sa tirannia
no pius nobiles ma borghesia
cambiada no est s'oppressione
appetigan sa nostra Natzione
prepotentes de tottu sa terra
declaramos dae nou sa gherra
finalmente devimus cambiare

Dae Casteddu a Perdas de Fogu
da Oristanis a Maddalena
sa Sardigna de bombas es piena
de sordados e sottomarinos
e non dan fruttu cussos terrinos
missiles in totue sun creschende
ma non bastat su chi su gosende
oje cheren galu pius logu

Ma sas bases chi andent a fogu
cun tedescos e americanos
canadesos e italianos
bennidos po fagher sa gherra
ca nos inde furan sa terra
nos preparan pro petza e'masellu
ma ischet dare fruttu prus bellu
custa terra cun su traballu

Procurade 'e moderare
potentes sa tirannia
ca faeddades de autonomia
ma no hazis cambiadu s'idea
bos piaghet dinari e cadrea
fisos de sos maressi barones
pius modernos ma sempre ladrone
oje cherimos de l'acabare 

Sa rinascita dd'agattat bella
chie ingrassadu s'es che mannale
ca falende su capitale
hat promissu su chi non hat dadu
e pro amentu nos hat lassadu
catedrales in su desertu
sa malediscione hat fertu
in Sardigna che carestia

Oje falamus dae Logudoro
dae Barbagia dae Campidanu
et in pari si damus sa manu
pro chi siat s'unione pius forte
ca gherramus pro sa nostra sorte
ca gherramus pro sa nostra vida
o Sardigna como t'ischidas
dae nou nos invadet su moro

Pius forte s'istringat s'unione
de massaios e de pastores
de meccanicos e minadores
totus paris pro su trabagliu
de sos meros a sa zenia
su traballu e s'autonomia
pro chi crescat sa nostra Nazione

Ma dae como a manu nosta
la mandamus a fora a fora
custa classe isfruttadorra
chi in miseria nos han bettadu
et cambiamus custu istadu
de oppressione e de prepotentzia
ca finida es sa passentzia
de sa zente trabagliadora