sarduitallyanu
Su 28 de Abrili est s'organizadura juvanili de su
Moimentu de alliberamentu natzionali e sotziali de sa Sardinnya.
Su compitu suu est su de organizai sa Juventudi Sarda in sa gherra
po unu tempu benidori de arrescatu e libertadi po sa Terra e su Pòpulu
nostus.
Is obietivus de importu prus mannus de s'Organizadura de sa Juventudi Sarda funti:
|
|
S'emancipadura
natzionali de su Pòpulu Sardu, Natzioni kentz'e statu ki bidit
furada sa Soberania cosa sua de su stadu itallyanu. Sceti cun sa bogada
de su colonialismu, s'Autodeterminadura populari de sa Comunidadi
natzionali sarda in d-unu Stadu indipendenti sardu, si podeus
arrescatai de sígulus de sutasvilupu econòmigu e sotziali
indutu e si podeus oberri a su Mediterràneu, a s'Europa et a su
Mundu comenti Pòpulu e cumenti Natzioni.
|
|
Su Poderi Populari comenti ùniga arruga po tenni una Democratzia bera,
ki depit essi direta, partecipadiva e protagunístiga. Totu s'imbressi
de su modellu farsu e frabançu de democrazia otzidentali, unu sistema
oligàrkicu ki donat a is Pòpulus sceti su poderi de "sçoberai", donnya borta ki nc'est de botai,
cali de dus blocus/coalitzionis de sa Casta ki aministrat su sistema
est su "mancu peus". Democratzia est arrejonada colletiva e
autosçoberadura populari o no est nudda.
|
|
|
|
S'emancipadura
sotziali de su Pòpulu Sardu de su sfrutamentu
capitalístigu de s'oligarkia econòmiga e sotziali
itallyana e internatzionali, causa de sa vida sempri prus
difítzili e precària de totus is Traballadoris (ainnanti
'e totus is jòvunus) de Sardinnya. Sceti in d-unu sistema basau a subas a sa
propriedadi stadali et a sa gestioni colletiva de is arrikesas e de is risorsas naturalis podit
essi possibili s'arrescatu de is oprimidus de custa Terra e una manera noa de bivi sa vida: s'arruga sarda a su
Sotzialismu de su sígulu XXI.
|
|
S'arrecùperu populari de sa língua, sa curtura e sa
stòria sarda, contras a s'operadura de etnocídiu de totu su ki est sardu
praticada de su stadu itallyanu po mezu de scolas, telebisuras e
jornalis. Su Pòpulu Sardu, a subas de totu in custus
ùrtimus dexennus, est stétiu sempri prus snaturau e
itallyanizau in manera fortzada de su sistema propagandístigu e mediàtigu coloniali: sceti cun su Rinascimentu linguístigu e
curturali colletivu de is Sardus at a essi po nosu possibili sighiri a esisti cumenti Pòpulu e cumenti Natzioni.
|
|
|
|
Sa
totali emancipadura de is féminas sardas de is elementus de
discriminadura de géneri ki abarrant oi puru comenti retaju de
sa famillya clàssiga in sa sotziedadi borghesa europea. Po
torrai a s'importu mannu de sa fémina in sa sotzidadi et a
sa paridadi bera intras a is sessus ki nci fiat in sa Natzioni Sarda a
is tempus de Lionora de Arborea.
|
|
S'emancipadura
ambientali de is terras, is akuas e s'aria de Sardinnya de su
sfrutamentu indiscriminau e kentz'e cuntrollu ki su su sistema
capitalístigu atuat in donnya parti 'e su mundu. Po unu svilupu
sosteníbili et eco-cumpatíbili, sa gherra a sa piaga de is incéndius,
su stùdiu e sa ricerca po s'arrespàrmiu energétigu e po
s'utilizu de fontis de energia alternadivas e ki no inkuinant. Po su
mobilitamentu internatzionali po sa salbaguàrdia de su Pianeta e po
limitai su prus ki si poit is dramàtigus dannus de su
callentamentu globali.
|
|
|
|
Una
Sardinnya ki siat protagunista de una polítiga noa de
solidaridadi e coperadura intras a is Pòpulus
mediterràneus et europeus e tzentru de unu modellu de svilupu
alternadivu a cussu de s'UE neoliberista. Una Sardinnya ki podit
fintzas torrai a essi domu de totu
sa Diàspora Sarda (is emigraus, casi unu milioni e mesu, casi su
nùmeru matessi de is bividoris de sa Sardinnya etotu) ki po is
dannus mannus de su capitalismu colonialista itallyanu funti stetiu
custretus a si nd'andai de sa Terra maderna issoru.
|
|
|
| A FORAS |
|
Is
militantis de Casteddu de su 28 de Abrili traballant a intru de
A FORAS - Atòbiu casteddayu contras a s'ocupadura militari de sa
Sardinnya |
| STUDIANTIS |
|
Is studiantis de su 28 de Abrili gherrant contras a su Decretu Gelmini
e a sa Lei 133 e po una Scola e una Universidadi sardas, gratùitas,
làicas e de massa |
|
